...

 

 

من دن سوروشما

 نئچینجی آی دیر زامان!!؟؟
من دن سوروشما

 نئچینجی ساهات دیر گؤن!!؟؟
آغزیمی آچسام بوتون تقویم لر اوتاناجاق دیر
**
اؤنومده دورور
باخیر منه دیم دیک،
گؤزلریندن اوتانیرام
سئوینین دوستلار
بوآخشام بیر شعر یارادیلاجاق
**
من دن سوروشما 

 گؤی ون نئچینجی قاتیندا دیر جننت؟
یئر اوزونده تاپیلاجاق می -بو باغ؟؟
آخ سئوگیلیم،  ساچلاریندان ایراق
آغزیمی آچسام...
قورویاجاق دیر اینان

    بوداغ -بوداغ
**
کؤنلومده بیر  کودتا اولمالی ایدیر!!!!
نه یاخشی کی اولدو
بوتون توفنگ لر اورتایا چیخیب
هاوا توتقون
قان آخیرسا آخسین
بویانسین آل قانا بو تمیز بدن
بیر دیکتاتور قلبیمی فتح ایله مه یه چالیشیر
**
گؤزلریمه باخیر...
ایچیمده یانیر -یانیر
الوولانیر
ائله بو آن یاشاییرام اینان
گؤلؤمسه ییر هر آن
اونؤمؤزده کی    خیاوان
                          وئران- وئران