|
مصطفی شیخ پور - شعر لر
|
||
|
ایشیق سوی شعر ائوینه خوش گلیبسینیز |
گوناهلارینی بیر بیر
بوینوما آلیرام
آماندیر،
ساچلارین سه پیلمه سین جنت یمیزه !!
نه گولله منه قئیار نه سن!!
آلیشمیشیق بیر بیریمیزه بیلمه دن
نه زامان یئتر گؤروشمه یه،
نه ده آمان وئریرسن جانیم!!!
ته له سیک سئویشرکن
وورولدو آغ قانادلی گویرچین لر
اونلار دا یاتماق ایسته ییرلر بو تورپاق دا
اونلار دا وورولموشلار بیلیرم
صاباحلار ارکن اویان گولوم،
چای حاضیر دیر گؤروشوموزه
آند ایچه جه ییک بیز گون اورتا نامازلارینا
اینان قضا اولمایاجاق بو دونه عشقیمیز
بیز
دائیم گولومسه یه جه ییک گویرچین لره
بیز
داییم اوله جه ییک
بیر بیریمیز دن اوتری
باریش دان اوتری
آسدیلار چیچکلری
آمان وریلمدی باهارا...
|